Policia ka arrestuar në spital 42-vjeçarin, i cili plagosi me thikë bashkëshorten e tij dhe më pas goditi veten në qafë.
Ngjarja ndodhi pas një konfikti të çastit mes çiftit mëngjesin e së enjtes (30 mars). Gruaja ndodhet në gjendje të rëndë shëndetësore dhe u transportua drejt Tiranës me helikopter.
Ndërsa 42-vjeçari goditi veten në pjesën e qafës katër herë.
Njoftimi i policisë:
Tepelenë/Informacion paraprak
Rreth orës 09:40, në lagjen “Selam Musai”, Tepelenë, dyshohet se pas një konflikti të çastit, në banesë, shtetasi L. N., 42 vjeç, ka goditur me mjet prerës (thikë), bashkëshorten e tij, shtetasen F. N., 40 vjeçe, dhe më pas është vetëdëmtuar me mjet prerës. Të dy këta shtetas janë transportuar në spital dhe ndodhen nën kujdesin e mjekëve.
Në vendngjarje ndodhet grupi hetimor, i cili po punon për zbardhjen e plotë të rrethanave ngjarjes.
